Seminè Fòmasyon An Liy Pou Anseyan 15, 16 ak 17 jiy 2021 | soti 10zè nan maten jour rive 13zè nan aprè midi

Vil Pòtoprens ak vil Kabarè, Premye Seksyon Boukasen, Dezyèm Seksyon Boukasen, Twazyèm Seksyon Sous Matla, Katriyèm Seksyon Fondèblan/Kazal,  Depatman Lwès 2. Pou plis enfòmasyon,  ekri Sant lan nan info@pyepoudre.org oubyen rele nan (+509)2813-1812 

Pale, Koute, Konprann= Endepandans Ayiti 
Seminè Fòmasyon Anseyan Jenerasyon 2014-2054 
30-50 ane  Konbit Ansèyman ak Aprantisaj Lakay 

Tit ak Tèm Fòmasyon an:  Koutje sou Nechèl Bloom 

*Dire: 3 jou 

*Jedi 15, vandredi 16, samdi 17 jiyè 2021  

* Soti 10zè nan maten jiska 13zè nan aprè midi


Jou 1: 
-Entwodiksyon 
-Bawo Konesans  
-Bawo Konpreyansyon 
-Bawo Aplikasyon 

Jou 2: 
-Bawo Analiz 
-Bawo Sentèz 
-Bawo Evalyasyon 
-Bawo Kreyasyon 

Jou 3: 
-Makònen Bawo yo 
-Aplikasyon Bawo yo 
-Konklizyon 


                                                 
Patisipan yo pral gen chans revizite oswa fè konesans avèk tout bawo ki  nan Nechèl Bloom nan. Ki sa Nechèl Bloom ye? Ki sa bawo yo ye? Ki sa mo ki nan bawo yo defini? Ki modèl transfòmasyon nosyon nechèl sa a ka pote nan dyakout teyori ak pratik anseyan nan milye ayisyen an? Koutje sou istwa kontribisyon Benjamen Bloom nan pedagoji pou klarifye apwòch didaktik edikatè ameriken sa a nan kontèks edikasyon toupatou. Eksperyans fòmatè a, kit nan jan li pwofonde nan nechèl Bloom, kit nan jan li anseye  konsèp la, pral louvri chan diskisyon ak konpreyansyon  pami patisipan yo.  

Lè seminè a fini, patisipan yo pral rekonèt teknik ak estrateji pou yo aplike Nechèl Bloom nan pwòp ansèyman yo, epitou nan aprantisaj elèv yo. Chak patisipan dakò, san pyès eksepsyon, li dwe patisipe totalman pandan touletwa jou fòmasyon an pou li ka resevwa sètifika patisipasyon an alafen. 

Yvon Lamour*, B.A., M.Ed., M.S.W., 
Fòmatè 

*Pwofesè Yvon Lamour, B.A., M.Ed., M.S.W., genyen depase 30 ane l ap anseye epi administre lekòl nan peyi Etazini, epitou li gen 20 ane depi l ap mache fè fòmasyon anseyan toupatou nan peyi a. “Divès Moso Nan Metye Fè Lekòl, (2014), se tit yon liv li ekri sou pedagoji ki te parèt nan Livres en Folie, Editions 2014, epitou nan Miami BookFair 2017. Aktyèlman, Pwofesè Lamour se manm nan Konsèy Konsiltatif Akademi Kreyòl Ayisyen-AKA. 

SDKA-Sant Devlòpman Kreyòl Ayisyen1983 
yylamour@yahoo.com 
617-699-9540  
Cambridge, MA 02140, U.S.A. 


ENPÒTAN: *Chak patisipan kase dizon pou l patisipe nan touletwa jou seminè a san manke pou l ka resevwa sètifika a

Posté à 8 juil. 2021